इयत्ता चौथी मराठी - पाठ: मला शिकायचंय स्वाध्याय
प्रश्न १: एका वाक्यात उत्तरे लिहा
उत्तर: स्नेहाचे बाबा तिचे नाव पाचवीच्या वर्गात टाकत नव्हते; म्हणून स्नेहा रडत होती.
उत्तर: सरपंचांनी बबलीला पाचव्या इयत्तेत प्रवेश घेतला होता.
उत्तर: स्नेहाला तिचे बाबा पुढे शिकवणार नाहीत, असे मुख्याध्यापकांना समजले; म्हणून मुख्याध्यापक आणि सरपंच सखारामच्या घरी गेले.
उत्तर: स्नेहाच्या बाबांनी तिला पुढे शिकवण्याचा निश्चय केला; म्हणून स्नेहाला अतिशय आनंद झाला.
प्रश्न २: तीन-चार वाक्यांत उत्तरे लिहा
उत्तर: संध्याकाळी स्नेहाची आई शेतातून घरी आली तेव्हा तिला स्नेहा एका कोपऱ्यात रडताना दिसली. रडून रडून तिचे डोळे सुजले होते. त्यामुळे स्नेहाची आई चिंतेत पडली.
उत्तर: मुख्याध्यापक सखारामला पोटतिडकीने सांगू लागले की, “सखाभाऊ, तुमची मुलगी हुशार आहे. तिने शिष्यवृत्ती परीक्षा दिली आहे. तिला पुढे शिकवा. स्वावलंबी बनू द्या.”
उत्तर: सरपंच समजुतीच्या स्वरात सखारामला म्हणाले की, तुझी मुलगी माझ्या बबलीएवढीच आहे. ती तिच्याच वर्गात आहे. मी तिला पाचव्या इयत्तेत पाठवणार आहे. आदगावाची शाळा इथून फक्त अर्ध्या तासाच्या अंतरावर आहे. माझ्या मुलीबरोबर तुझी मुलगी एसटीतून जाईल.
उत्तर: स्नेहाचे शिक्षण अपूर्ण ठेवणार नाही. दिवस-रात्र कष्ट करून, रक्ताचे पाणी करीन, पण माझ्या मुलीला मी शिकवीनच. असा निर्णय सखारामने शेवटी घेतला.
प्रश्न ३: खालील शब्दसमूहांचा वाक्प्रचारांचा अर्थ सांगून वाक्यात उपयोग करा
वाक्य: अंधार पडला तरी राजू घरी आला नाही म्हणून राजूची आजी चिंतेत पडली.
वाक्य: खूप दिवसांनी बाबा परदेशाहून घरी आल्याचे पाहून राजूचे मन दाटून आले.
वाक्य: फार कष्टाने केलेल्या शेतीत हिरवीगार पिके पाहून सखारामचे डोळे पाणावले.
वाक्य: छोट्याश्या मीनाचे दोरीवर चालणे पाहून लोकांना अचंबा वाटला.
वाक्य: गुरुजी शाळेत मुलांना पोटतिडकीने शिकवत होते.
वाक्य: दोन वेळचे नीट खायला मिळावे यासाठी राजूचे बाबा दिवसभर रक्ताचे पाणी करतात.
प्रश्न ४: तुम्हाला काय वाटेल, ते लिहा
उत्तर: खूप पुस्तके पाहून मला आनंद होईल. ती पुस्तके कधी एकदा वाचून पूर्ण करतो असे वाटेल.
उत्तर: बाजारात फिरताना मला बाजारातील विविध वस्तूंबाबत अधिक माहिती जाणून घ्यायला खूप आवडेल.
उत्तर: आजारी असणारी व्यक्ती लवकरात लवकर बरी होऊ दे अशी मी प्रार्थना करेन. तिला काही मदत हवी असल्यास ती देखील करेन.
उत्तर: झोपेत असताना कोणी हाका मारल्या तर मी झोपून न राहता लगेच उठून कोण कशासाठी हाका मारत आहे ते पाहीन.
प्रश्न ५: खानदेशी बोली आणि तुमच्या परिसरातील बोली
उत्तर: अग आई, मला पुढे शिकायचं आहे.
उत्तर: स्नेहा, तुला चवथीपर्यंत शिकवला ... आता अजून पुढे शिकून काय करशील तू?
उत्तर: अरे सखा, तुझी मुलगी एवढीच माझी बबली. तिच्याच वर्गातली.
उत्तर: मग मुलींच्या बाबतीतच असा भेद कशाला?
उत्तर: अपूर्ण शिक्षण नको. दिवस-रात्र कष्ट करीन, रक्तचं पाणी करेन, पण माझ्या मुलीला शिकवेन.
मला शिकायचंय स्वाध्याय - chouthi marathi
इयत्ता चौथी मराठी पाठ: मला शिकायचंय ही स्नेहाच्या शिक्षणाची इच्छा, खानदेशी बोली आणि मराठी शब्दांचा अभ्यास करते. या स्वाध्यायात प्रश्नोत्तरे आणि वाक्प्रचारांचा समावेश आहे. विद्यार्थ्यांसाठी उपयुक्त मराठी अभ्यास साहित्य येथे उपलब्ध आहे.
कीवर्ड्स: इयत्ता चौथी मराठी, मला शिकायचंय, स्वाध्याय, chouthi marathi, प्रश्नोत्तरे, स्नेहाचे शिक्षण, खानदेशी बोली, मराठी अभ्यास, mala shikayachay