इयत्ता आठवी मराठी पाठ ४: नव्या युगाचे गाणे स्वाध्याय प्रश्नोत्तरे

इयत्ता आठवी मराठी पाठ २: नव्या युगाचे गाणे स्वाध्याय प्रश्नोत्तरे

इयत्ता आठवीच्या मराठी विषयातील पाठ ४ "नव्या युगाचे गाणे" हा काव्यपाठ विज्ञान, आशावाद, आणि नव्या युगाचे वर्णन करतो. या स्वाध्यायात प्रश्नोत्तरे, कृती, आणि शब्दांचे अर्थ यांचा समावेश आहे, जे विद्यार्थ्यांना विज्ञानाच्या प्रगतीची जाणीव करून देते. (Iyatta 8vi Marathi Navya Yugache Gane Swadhyay)

प्रश्न १: हे केव्हा घडेल ते लिहा

अ) दिव्य क्रांती

विज्ञानाचा प्रकाश येईल, तेव्हा दिव्य क्रांती घडेल.

आ) शून्यामधून विश्व उभारेल

भव्य जिद्द असेल तेव्हा, शून्यातून विश्व उभारेल.

इ) दुबळेपणाचा शेवट

नवी चेतना अंतरी स्फुरेल तेव्हा, दुबळेपणाचा शेवट होईल.

प्रश्न २: खालील चौकटींतील घटनांचा योग्य क्रम लावा

उत्कर्षाचा अन् प्रगतीचा मार्ग दिसला. विज्ञानाचा प्रकाश आला. क्रांती घडली. हृदयातील अशांततेचा वणवा विझला. नैराश्य नष्ट झाले.

विज्ञानाचा प्रकाश आला.
क्रांती घडली.
हृदयातील अशांततेचा वणवा विझला.
उत्कर्षाचा अन् प्रगतीचा मार्ग दिसला.
नैराश्य नष्ट झाले.

प्रश्न ३: खालील अर्थांच्या ओळी शोधा

अ) माणसाच्या अंगी चिकाटी असली तर तो काहीही साध्य करू शकतो.

शून्यातून विश्व उभारू जिद्द असे भव्य

आ) माणसाच्या अंगात जोश आणि मनात नवीन आशा निर्माण होतात.

नसान्सातून जोश उसळतो नव आशा चित्ती

प्रश्न ४: तक्ता पूर्ण करा

कवीला नको असणाऱ्या गोष्टी	विज्ञानामुळे प्राप्त होणाऱ्या गोष्टी
नैराश्य	नवी आशा
दुबळेपणा	नवी चेतना
खिन्नता/दीनता	दिव्या क्रांती

प्रश्न ५: तुमच्या शब्दांत स्पष्ट करा

अ) ‘नवसूर्य पहा उगवतो’, ‘संघर्ष पहा बहरतो’ या शब्दसमूहांतील कल्पना सोदाहरण स्पष्ट करा.

‘नवसूर्य पहा उगवतो’: सूर्योदयाने जसा अंधार नाहीसा होतो, तसा विज्ञानरूपी सूर्यामुळे मानवी जीवनातील अंधार दूर झाला आहे. उदाहरणार्थ, संगणक आणि इंटरनेटमुळे जग जवळ आले आहे. ‘संघर्ष पहा बहरतो’: पूर्वी माणूस आरोग्य, दुष्काळ, अंधश्रद्धेशी पराभूत होत असे. विज्ञानामुळे प्लेग, कॉलरा नष्ट झाले, आणि शीघ्र वाहनांमुळे दुष्काळग्रस्तांना मदत मिळते. हा संघर्ष बहरला आहे.

आ) कवितेतून व्यक्त होणारा कवीचा आशावाद स्पष्ट करा.

विज्ञानामुळे दिव्य क्रांती घडेल, नवयुग निर्माण होईल, शून्यातून विश्व उभारेल, उत्कर्ष आणि प्रगती होईल, निराशा नष्ट होऊन नवे तेज येईल, दुबळेपण जाऊन नवी चेतना येईल, संघर्ष बहरेल, आणि नव्या आशा फुलतील. या सर्वांतून कवीचा आशावाद स्पष्ट होतो.

खेळूया शब्दांशी

अ) कवितेतील यमक जुळणाऱ्या शब्दांच्या जोड्या शोधा व लिहा.

पुढती – क्रांती
विझला – दिसला
ज्वाला – माला
उगवतो – झळकतो – बहरतो
दिव्य – भव्य
गेले – आले
चित्ती – पुढती

आ) खालील शब्दांचे समानार्थी शब्द कवितेतून शोधून लिहा.

उजेड – प्रकाश
रस्ता – मार्ग
तेज – प्रभा
उत्साह – जोश

प्रकल्प

विज्ञानातील प्रगतीमुळे विविध क्षेत्रांत नवनवीन साधनांची भर पडली आहे. त्यांची माहिती मिळवा.

क्षेत्र	या क्षेत्रांतील नवनवीन साधने
बांधकाम	कॉंक्रीट मशीन, ड्रिल मशीन, कटर
शिक्षण	ई-लर्निंग, संगणक, स्मार्ट बोर्ड
वैद्यकीय	सिटी स्कॅन, एमआरआय मशीन
हवामानशास्त्र	भूकंप मापक यंत्र, जलमापक यंत्र
कृषी	ट्रॅक्टर, फवारणी मशीन
मनोरंजन	मोबाइल, दूरदर्शन, संगणक
खगोलशास्त्र	दुर्बीण
संरक्षणशास्त्र	मशीन गन, परमाणु अस्त्र

FAQ आणि शेअरिंग

मुलांनो, हा स्वाध्याय तुमच्या मित्रांसोबत शेअर करा.

हा स्वाध्याय WhatsApp, Facebook, किंवा ईमेलद्वारे शेअर करा. आवडल्यास खाली कमेंट करा! (Share Iyatta 8vi Marathi Navya Yugache Gane Swadhyay)

स्वाध्यायाची माहिती आवडल्यास कमेंट करा.

आपल्या अभिप्रायाने आम्हाला प्रोत्साहन मिळेल. खालील कमेंट विभागात आपले विचार लिहा!